Artículos de esta sección

  • Primer Mundial de la so Hestoria

    La seleición española proclámase campeona de la FIFA World Cup

    13/07/10

    La seleición española de fúbol, nestos momentos campeona d’Europa y del Mundu, féxose col primer campeonatu mundial d’esti deporte de la so Hestoria, na decimotercer vegada qu’aportaben a la final d’un Mundial. Ficiéronlu ganando a la seleición naranxa de los Países Baxos por un axustáu 1-0 na prórroga, a 9 minutos del final.

  • Cuartos de final del Mundial de fútbol 2010

    06/07/10

    Arxentina foi pa casa con cuatro goles d’Alemaña. La goleada de la llocomotora alemana vieno de los goles de Klose(2), Müller y Friedich que nun-y dieron oportunidá nenguna al equipu de Messi que colo del mundial ensin marcar nengún gol. La sorpresa vieno de Paises Baxos qu’elliminaron a Brasil con un marcador apretáu (2-1).

  • Resultaos de los octavos de final del Mundial de fútbol

    02/07/10

    Los emparexamientos pa los cuartos de final van ser Alemaña-Arxentina, Paises Baxos-Brasil, Uruguai-Ghana y España-Paraguai, trés elliminar nos cuatro partios restantes los brasileños a Chile, Paraguai a Xapón nos penalties (5-3), España a Portugal y una sorprendente Alemaña a los ingleses.

  • OCTAVOS DE FINAL

    Erros d’árbitros, erros d’arqueros, erros de defenses.

    29/06/10

    A Uruguai y Ghana, se-y xunieren ayeri les seleiciones d’Alemaña y Arxentina, en cuatro alcuentros abondo chiscaos polos erros de colexaos y arqueros, esceuto nel EXA-Ghana, perbon partíu onde Kinson, arqueru ghanés, fixo lo imposible atopando tou balón con direición a la so portería, nun choque que finaría 1-2 a favor del conxuntu africanu, dirixíu perxeitosamente pol téunicu serbiu Milovan Rajevac.

  • ITALIA Y FRANCIA QUEDARON ELIMINAES

    Clasificaciones pa octavos de final

    28/06/10

    Sorpreses na primer fase del mundial de fútbol. Dos grandes equipos foron eliminaos, Italia, vixente campeona del mundu y Francia que dió una imaxén llamentable colos insultos ente xugadores y el so entrenador. Tán solu Arxentina y Paises Baxos cuntaron tolos sos partios como ganaos.

  • Resultaos de la segunda xornada de la primer fase

    25/06/10

    La seleición del Estáu Español, algamare un lóxicu resultáu contra una enxencle Hondures, a la que-y pudieren meter inda más goles, de non ser pola poca puntería del conxuntu del sur d’Europa. L’otru partíu del grupu, disputáu por Chile y Suiza, tuvo como marcador un 1-0, gol marcáu por Mark González nel minutu 74, alcuentru carauterizáu pola inxusta espulsión de Behrami, que condicionare’l xuegu de los helvéticos.

  • Israel Pérez algama’l Maillot Mariellu na 13ª etapa de la Vuelta Ciclista a la Montaña Central d’Asturies

    21/06/10

    La última etapa de la 13ª Vuelta Ciclista a la Montaña Central d’Asturies, dexó al corredor del Extremadura-Spiuk, Israel Rodríguez, como llíder na xeneral, algamando asina’l Maillot mariellu, nuna carrera carauterizada pol nulu emburrie de los sos rivales

  • Artest y Gasol antróxense de Bryant pa algamar el 17u campeonatu de Lakers nel 7u partíu de les finales 2010

    20/06/10

    Dicir que’l séptimu partíu de les finales ente Los Angeles Lakers y Boston Celtics foi un partíu raru, nun sedría dalgo ayéno a la realidá. Nun foi un bon alcuentru, llegando a ver porcentaxes d’aciertu de tiru del 26% nel casu de Lakers, pero sí foi un partíu perentreteníu, onde’l puxu de dambos quintetos gano-y la batalla al basquet vistosu al que mos teníen acostumaos.

  • Alberto Botía yá ye xugador del Sporting de Xixón

    20/06/10

    Botía ye nuevu xugador del Xixón a tolos efeutos, teniendo aportao esta selmana el caberu trámite alministrativu dende Barcelona, dempués de delles selmanes negociando l’alcuerdu que camudaría la condición de Botía de cedíu a membru con contratu de la plantiya xixonesa.

  • GHANA 1 - AUSTRALIA 1

    Australia tamién tien arguyu, bravén y fuercia

    20/06/10

    Perguapu partíu de la segunda xornada de la primer fase d’esti Mundial 2010, nel que Ghana y Australia consiguiríen un empate a ún, que-y val a los africanos pa asitiase como cabezaleros del grupu D, siguíos por Alemaña y Serbia con trés puntos y Australia, cabera, con un puntu.

  • Resultaos de los últimos partios cellebraos del Mundial de Suráfrica 2010

    19/06/10

    Sorpreses nos partios del Mundial. Los ingleses nun mal partíu nun pasaron del 0-0 con Arxelia, tamién empataron Eslovenia y los EXA a 2-2, onde la seleición balcánica ganaba por 2-0 y nos últimos minutos l’arbitru anuló’l tercer gol de los EXA por un fueru de xuegu. Pa finar la seleición d’Arxentina non defraudo ganando por 4-1 a Corea del Sur con tres goles del "Pipita" Higüain.

  • FRANCIA 0 - MÉXICU 2

    El puxu azteca fina colos galos

    19/06/10

    Cuauhtemoc Blanco de "penalty" y col gabitu de l’árbitru saudí Khalil al Ghamdi, nel gol de ’Chicharito’ Hernández, derrotarón a Francia na segunda ronda de la Fase Previa del Mundial 2010, cola collaboración d’un equipu galu carauterizáu pola murnia defensa y la nula capacidá ofensiva, nel que namái destacaren Toulalan y Malouda

  • ALEMAÑA 0 - SERBIA 1

    Zigic, Krasic, Jovanovic y el fútbol clásicu d’Antic.

    19/06/10

    Magar que dempués del primer partíu de Serbia, teniendo perdío escontra Ghana y teniendo xugao tamién con perpoco xeitu, poca xente camentase que la so situación diba camudar nesti Mundial 2010. El conxuntu del antiguu téunicu de l’Uviéu, Radomir Antic, ganó col fútbol de siempres, bona defensa, ataque peles bandes y una pareya de delanteros aidándose de contino.

  • SURÁFRICA 0 - URUGUAI 3

    Luis Suárez y Forlán, conquisten Pretoria

    17/06/10

    Polémica col colexáu Massimo Busacca, al tener interpretao Suráfrica que’l penal nun tuviere xacíu al tar Luis Suárez en fuera xuegu.

  • ESPAÑA 0 - SUIZA 1

    El baruyu vence al toque

    17/06/10

    Un gol de Fernandes nel minutu 52, algamáu de xeitu daqué abegosu (ceya de Piqué abierta, inclusive), foi suficiente pa vencer a la anguaño campeona d’Europa, qu’amosó un bon xuegu tapecíu polos numberosos erros nel ataque y dalgún fallu puntual na defensa que fixo encaxar l’únicu gol del partíu.

  • HONDURAS 0 - CHILE 1

    Y el fútbol aportó con Chile

    17/06/10

    Ensin ’Suazos’. Nin Humberto ’Chupete’ Suazo (delanteru chilenu del Zaragoza aragonés) nin David Suazo (delanteru hondureñu del Inter), estrelles de dambes seleiciones, pudieron xugar el partíu por culpa d’unes molesties físiques.

  • NUEVA ZELANDA 1 - ESLOVAQUIA 1

    Empate pal escaezu

    16/06/10

    El partíu que pesllaba la primer xornada del grupu F, mos dexó un tastiu amargu por dos razones. La primer foi el partíu en si mesmo, yá que’l nivel asoleyáu fai alcordanos de seleiciones que nun tan nesti Mundial, como Turquía, Rusia o Croacia, que dexuru fadríen dalgo más que les güei mundialistes.

  • BRASIL 2 - KOREA 1

    Ensin sorpreses

    16/06/10

    Brasil xugó nel día d’ayerí’l so primer partíu del Mundial 2010, algamando un resultáu lóxicu, anque amosando un xuegu non mui caledable, carauterizáu poles individualidaes de Robinho y un espléndidu Maicon.

  • El Mundial de Fútbol, na nuesa llingua

    16/06/10

    Aruelu.com va ufrir a los sos llectores delles cróniques de los partios desendolcaos nel Mundial de fútbol 2010 de Sudafrica. Con ello se quier da-y usu a la nuesa llingua como ferramienta de comunicación cuntando pa ello con collaboradores que nos sofiten nes decenes de cróniques a realizar qu’esperemos que vos presten.

  • La Federación Española de Fútbol tendría asina acutada una partida de 14 millones d’euros pa primes

    Caún de los xugadores de la seleición española de Fútbol podría cobrar 600.000 € en primes

    03/06/10

    Son varies les informaciones apaecíes estos díes nos mass-media qu’apunten a que caún de los futbolistes de la Seleición Española podría recibir una prima de 600.000 euros si gana’l Mundial de Fútbol. ERC ya IU yá tienen presentaes diferentes iniciatives parllamentaries pa denunciar esti fechu, que califiquen de "avergoñante en tiempos de crisis".

  • ULTIMA HORA

    Aragón y Canaries empaten a ceros

    07/12/09

    Asturies nun va pasar ronda nel Grupu C de la copa de Rexones UEFA al empatar a ceros Canaries y Aragón. L’equipu que va pasar depende de los asturianos, ya que si los canarios ganen por más d’un gol a los asturianos pasarien estos, demientres si gana Asturies o empata, pasara ronda Aragón. Nel Grupu E, Illes Balears paso ronda al imponese a Estremadura, Ceuta y Melilla.

  • GÜEI XUEGUEN EN SAMARTIN CANARIES Y ARAGÓN

    Asturies complica’l so pasu a la siguiente ronda al perder 0-1 con Aragón

    07/12/09

    Un gol de Charly nel minutu 53’ dió’l trunfu a los aragoneses. El partíu tuvo disputáu pero l’equipu aragonés supo caltener a la ofensiva asturiana, en Les Caleyes (Villaviciosa).

  • XUGARA EN LA VILLA Y MAREO (XIXÓN) CONTRA ARAGÓN Y CANARIES

    Asturies entama güei la Copa de rexones UEFA

    06/12/09

    La seleición nacional asturiana va xugar contra les naciones d’Aragón y Canaries estos dies en Les Caleyes (Villaviciosa) güei a Aragón a les 12:00 hores y en Mareo (Xixón) el día 8 a les 12:00 hores a la seleición canaria na primer eliminatoria de la Copa de Rexones UEFA. La entrada ye de baldre.

  • EL DIA 28 DE XUNETU EN LLUANCO.

    La selección nacional asturiana de Baloncestu va enfrentase a Costa de Marfil

    23/07/09

    La selección nacional de baloncestu va enfrentase al combináu nacional de Costa de Marfil el prósimu 28 de xunetu a les 20:00 hores. La selección africana vien al Estáu Español a preparar l’Afrobasket 09, que nesta edición celebrarase en Trípoli (Libia) y englobase dientru de los alcuerdos con FIBA África, pola parte de la FEB y la so Fundación, pal desendolcu del baloncestu africanu y onde la selección asturiana aportara nesta primera aición la organización d’esti alcuentru preparatoriu pa esta selección.

  • DEPORTES TRADICIONALES

    Arrinca’l primer Campeonatu Asturianu de Liriu

    16/07/09

    Gracies al trabayu desinteresáu de munches persones sensibilizaes col deporte tradicional asturianu, el sábadu 18 de Xunetu, nel Centru Deportivu de Llamorgal, va cellebrase la primer Xornada d’esti Campionatu Asturianu de Liriu, que ya yé una realidá.

  • El país aspiraba a cuntar con seleición propia en 18 deportes llariegos

    L’estáu español intentará prohibir a Euskal Herria tener seleiciones propies

    25/06/09

    Esta ye una de les primeres midíes adoptaes pola Xusticia española, cola indiferencia del nuevu gobiernu vascu-español de Patxi López (PSOE, en cualición gubernamental col PP), tres la constitución d’esti nuevu executivu tres les elleiciones del pasáu ún de marzu.

  • BONA TARDE PAL FÚTBOL ASTURIANU

    L’Sporting caltiense na Primer División y l’Uviéu asciende a la categoría de bronce

    31/05/09

    L’Sporting algamó la permanencia en Primera División al superar al Recreativo de Huelva por 2 goles a 1. L’Uviéu, pela so parte, asciende a la Segunda División B tres ganar al Mallorca B na tanda de penaltis por 6-5. Per otra banda’l Candás quedó elimináu de la fas d’ascensu y l’Uni pasó a la siguiente ronda.

  • Segunda Copa d’Europa tres una apoteósica temporada

    El Biesca Xixón algama’l campeonatu européu de h.oquei sobro patines femenín

    10/05/09

    L’equipu xixonés femenín impúsose al Voltregá catalán en Coutras (Ocitaña) nuna final na que foi necesariu’l llanzamientu de nueve penaltis pa declarar al campeón.

  • Nún partíu decisivu pa dambos equipos

    L’Uviéu Rugbi salva la permanencia ya Irlanda algama la gloria

    22/03/09

    L’Uviéu Rugbi aseguró matemáticamente la so permanencia un añu más na segunda categoría estatal con un arrollador 51-7 endosáu al Belenos Rugbi nuna llucha fraticida de dambos equipos por salvar la categoría. D’otra miente, la seleición irlandesa de rugbi proclamose campeona del Seyes Naciones tres una axustada y reñía victoria a Gales (15-17) nel Millennium Stadium de Cardiff.

  • Rocío Gamonal y Lucía González; Dani Ania, Antonio Prieto y Juan Carlos López, Ramón Alonso rescamplaron nes trés estayes del podiu

    Medayes a esgaya p’Asturies nel Campeonatu estatal de ciclocross

    18/01/09

    La seleición asturiana ta convirtiendo na protagonista de los campeonatos estatales de ciclocross que se tán disputando nel Parque del Mediodía de Valladolid (Castiella), al oru llográu’l vienres pol equipu asturianu na prueba de relevos hai que sumar les seis medayes algamaes ayeri: oros de Rocío Gamonal (elite) y Lucía González (sub-23); plates de Daniel Ania (sub-23), Antonio Prieto (master 30) y Juan Carlos López (master 50), y bronce de Ramón Alonso (master 60).

  • A fines de 2008 desapaeciera l’Uviéu Naranco de balonmán tamién por problemes económicos

    Desapaez l’Uviéu HC, primer equipu d’Asturies en h.oquei

    10/01/09

    Siguen desapaeciendo equipos deportivos de la capital con gran renome por problemes de solvencia al tiempu que l’Ayuntamientu prometiera 3.000.000€ al primer equipu de fúbol de la ciudá, tamién con graves problemes de tipu económicu, no que vien siendo una xestión per parte del executivu llocal cuantu menos "preocupante" en plena crisis económica y que ta llevando al llastre a la ciudá en munchos ámbitos, ente ellos el deportivu

  • El Comité de Competición de la Federación Española de Fútbol sanciona al delanteru del Sevilla

    Kanouté, multáu con 3.000 € pol so sofitu a Palestina

    10/01/09

    El Comité de Competición de la Federación Española de Fútbol (FEF) decidió ayeri sancionar con 3.000 € al delanteru maliense del Sevilla, Frederic Kanouté, por amosar la nueche del miércoles una camiseta de sofitu a Palestina tres marcar un gol al Deportivu, nel partíu correspondiente a la ida d’octavos de final de la Copa del Rei disputáu nel Sánchez Pizjuán.

  • Nún partíu tensu dende l’entamu que nun dio llugar a tregua dala

    Asturies desplómase na cuesta final escontra l’All Star

    30/12/08

    La seleición nacional asturiana de h.oquei cai escontra l’All Star de la Lliga OK por un engañosu 3-6 en mediu d’un ambiente tensu y calecíu nel Visiola Rollán

  • El delanteru del Valencia tamién dio la cara pola oficialidá

    Juan Mata echa de menos a la seleición asturiana

    27/12/08

    La llegada d’estes feches y el regresu a Asturies de los fubolistes nuestros que tán nel esterior produz un pregunta común énte la non convocatoria un añu mas del partíu de la nuesa seleición de fútbol.

  • L’asturianu del Deportivu de La Coruña xuega mañana nel Galicia-Irán

    Pablo Álvarez: "Sí me dieren a escoyer xugaría cola seleición asturiana"

    26/12/08

    El centrocampista asturianu, criáu en Galicia, Pablo Álvarez fexo público esti meudía nel programa "Tiempo Añadido" de la Radio Pública d’Asturies (RPA). Pablo, que mañana va participar nel Galicia-Irán en Riazor, dexó claro que "si me dieren a escoyer xugaría cola seleición asturiana".

  • Habrá una concentración previa al partíu

    Astur Hinches llama a l’afición asturiana a "acudir en masa" al partíu de la seleición nacional

    26/12/08

    Con motivu del eventu convocáu pal 29 d’avientu nel Polideportivu Nuevu Visiola Rollán de Mieres, nel que la seleición nacional de h.oquei sobro patines d’Asturies xugará un partíu escontra l’All Star de la Lliga OK, AH fexo públicu a tola afición asturiana el siguiente comunicáu.

  • Meza de veteranía y mocedá pa midise a les estrelles de la OK Lliga

    Entrada de baldre pa ver en Mieres a la seleición asturiana de h.oquei

    24/12/08

    La seleición asturiana de h.oquei presentará una meza de mocedá y veteranía pa midise el día 29 a un combináu de la OK Lliga, con ocasión de la nauguración oficial del polideportivu mierense Visiola Rollán.

  • Tres la derrota col equipu amigu, el Belenos d’Avilés

    L’Uviéu Rugbi algama la primer victoria de la temporada

    22/12/08

    L’equipu uvetense impúsose a un rival direutu pola permanencia nel campu del Naranco. Los de Hafoka dexen al Atletiko Donosti a sólu dos puntos tres la so primera victoria (27-23).

  • El h.oquei sedrá’l deporte que tea l’honor de representar el Nadal d’esti añu 2008

    Asturies de h.oquei xugará’l 29 d’avientu’l partíu del Nadal 2008

    19/12/08

    L’alcuentru disputarase’l 29 d’avientu nel nuéu polideportivu Visiola Rollán de Mieres, y enfrentará a la seleición nacional de h.oquei escontra’l All Star de la Lliga OK, una de les meyores del mundiu y dominada por equipos catalanes

  • Tien perpasao un rexistru negativu al ser, con once, el que más partíos consecutivos lleva ensin sumar los tres puntos

    L’Avilés perpasa’l rexistru de partíos siguíos ensin ganar

    04/12/08

    Col empate del domingu pasáu énte’l Siero, l’Avilés tien perpasao un rexistru negativu al ser, con once, el que más partíos consecutivos lleva ensin sumar los tres puntos. L’equipu blanquiazul superó’l (...)

  • Los ingleses quieren una seleición conxunta pa los XXOO del 2012, les otres naciones nun tán pola llabor

    El Reinu (des) Xuníu pola seleición estatal

    20/11/08

    Anguaño, Inglaterra, Escocia, Gales ya Irlanda del Norte son miembros de plenu drechu de la FIFA dende’l congresu de la organización de 1946 y, asina, participen nes competiciones de la FIFA y la UEFA per separtáu. Pero dende que Londres fora escoyida como sede oficial de los Xuegos Olímpicos de 2012, l’Asociación Olímpica Britànica (BOA) vien manifestando la idea de que toles naciones que formen el Reinu Xuníu xueguen baxo la Union Jack (la bandera de Gran Bretaña), cosa que nun pasa dende 1972. Pero los escoceses nun tan d’alcuerdu y asina lo ficieron ver ayeri nel partíu ente Escocia y Arxentina, onde s’estrenó Maradona como entrenador d’esta última.

  • la lliga d’honor sigui siendo estatal

    Bélxica dixebra la so lliga según la comunidá llingüística

    13/11/08

    A partir d’agora los valones y los flamencos, les dos naciones que formen l’Estáu belga, amás de por llingua y les tensiones institucionales, van tar xebraos pol fútbol. Dende l’entamu de la lliga d’esti añu, toles categoríes del deporte rei, menos les dos primeres, van xebrase según l’orixe llingüísticu del equipu por decisión de la Unión Belga de Fútbol.

  • Numancia 0 - Sporting 1 en Soria

    El Sporting de Xixón ganó al Numancia en Copa del Rei

    30/10/08

    El Sporting de Xixón ganó esta nueche en Soria al Numancia con un gol d’Omar, a los diez minutos, y dexa mui favorable pal so equipu la eliminatoria de dieciseisavos de final de la Copa del Rei. (...)

  • PALESTINA 1-XORDANIA 1

    La seleición de fútbol palestina xuega por primer vez en casa

    27/10/08

    Dende fai diez años la selección de fútbol palestina pertenez a la FIFA, pero pola falta de infraestructures namás que xugaran como locales en campos de fútbol xordanos, exipcios o qatarís, hasta ayeri. Esti domingu la so seleición masculina xugó por primer vez en casa contra Xordania, finando’l partíu nun empate a unos ente los dos combinaos. El partíu amistosu desendolcóse nun nuevu estadiu fechu en Al-Ram (Cisxordania) col financiamientu de la FIFA.

  • EL CURSU SE FAERA NEL MUSEU DEL PUEBLU D’ASTURIES EN XIXON

    El Garrapiellu organiza un cursu de monitor de xuegos y deportes tradicionales

    24/10/08

    La Tertulia cultural El Garrapiellu organiza un cursu de monitor de Xuegos y Deportes Tradicionales d’Asturies (XDTA) col sofitu del Ayuntamientu de Xixón.

  • VAN ENFRENTASE ASTURIES Y GALIZA

    Piarnu va cellebrar la II copa cantábrica de Liriu

    23/10/08

    L’equipu nacional asturianu va enfrentase a los galegos na final de la II Copa Cantábrica de Liriu-Billarda, que va cellebrase en Piarnu, conceyu de Castrillón el domingu 26 d’Ochobre.

  • El XXIX campeonatu ta cellebrándose en llión

    La seleición llionesa de llucha de brazos participante de plenu drechu nel campeonatu mundial

    08/10/08

    La ciudá de Llión acueye a partires de güei´l 39 Campeonatu del Mundu de Llucha de Brazos. Nel mesmu, participaran una centena de países de los cinco continentes y per primer vez esti añu la selección (...)

  • FAI! RECLAMA LLIBERTA P’ASTURIES Y RECONOCIMIENTU DE LA NUESA LLINGUA

    Pintaes nacionaliegues na Vuelta Ciclista al Estau Español

    16/09/08

    La organización política asturiana Fai! fizó una campaña alrodiu de la Vuelta Ciclista al Estau Español a su pasu pol puertu San Isidru, con pintaes onde se punxeron decenes de pintaes en suelu onde se reclamaba llibertá p’Asturies y derechos llingüísticos pa les y los asturianos y asturianes.

  • UN GOL NEL MINUTU 85 DE CASQUERO DIO’L TRIUNFU AL GETAFE

    El Sporting entamó la primer división con ganes pero ensin victoria

    02/09/08

    L’equipu roxiblancu nun supo aguantar los noventa minutos contra un rival con esperiencia na categoria d’oru. Un gol de Casquero nel minutu 85 dio la victoria al Getafe debiu a la mayor puxanza del equipu madrilanu.

  • UNA BONA ACTUACION DE LOS DEPORTISTAS ASTURIANOS

    Beijing peslla con cinco medayes p’Asturies

    25/08/08

    Samuel Sanchez con oru en ciclismu, Juan Fernández la Villa, plata n’hockey , y los hermanos Entrerrios y Rubén Garabaya con bronce en balonmanu son los asturianos qu’algamaron medayes nestos XXOO.

  • El Sporting ganá al ACMilán nel torneu "Villa de Xixón"

    25/08/08

    Na 14ª edición del Torneu "Villa de Xixón" citaronse en El Molinón ante 18.500 espectadores l’organizador Sporting de Xixón y el campeón italianu AC Milán, con estrelles de la talla de Zambrotta, Pirlo o Seedorf.

  • L’EQUIPU ESPAÑOL DE BALONCESTU SORPRENDIU NUNA SEMEYA DE TINTES XENOFOBOS

    Deportistas españoles acusaos de xenofobos en Beijing2008

    16/08/08

    La prensa anglosaxona vien d’espublizar una semeya de tintes xenofobos del equipu de baloncestu del Estau español, correspondiente a un anuncio publicitariu nel que faen referencia despectivamente de la connotación rasgada de los güeyos de los chinos.

  • PRIMER ASTURIANU N’ALGAMAR MEDALLA NOS XXOO DE BEIJING 2008

    Samuel Sanchez, primer oru p’Asturies

    11/08/08

    L’asturianu Samuel Sánchez ganó la primer medalla d’oru p’Asturies na prueba de ciclismu de fondu.Nel sprint y na mesma llínea de meta algamó la victoria imponiendose a David Rebellin y a Fabian Cancellera, nuna escapada que ficieron xuntos, nun recorriu de 245 Kms.

  • Vicioso gana la Vuelta a Asturies

    08/05/08

    L’aragones Angel Vicioso del equipu luso LA Aluminios ganó la vuelta ciclista a Asturies que dende la primer etapa ya yera’l llider de la carrera. Con esto, Vicioso demuestra’l bon momentu de forma que tien nel entamu la temporada.

  • Ferrari s’avera al pilotu asturianu

    18/04/08

    La marca italiana pue tener en cuenta a Fernando Alonso pal 2009 segun espublicen dellos diarios transalpinos. El xefe de prensa de Ferrari, Luca Colajanni, fizo unes declaraciones alrodiu del pilotu asturianu valorandolo positivamente ya que Fernando " ye un pilotu intelixente y profesional, que siempre sabe lo que quier dicir en cada momentu".

  • Los aficionaos puen convertir la copa del Rei nuna vindicación nacional de Cataluña y País Vascu

    13-M: El partíu más difícil del Rei

    06/03/09

    El prósimu 13 de mayu va celebrase en Mestalla la final de la Copa del Rei. Un partíu que va enfrentar al Athletic de Bilbao y al Barcelona, dos equipos con aficionaos nacionalistes que podrían convertir la obligatoria interpretación del himnu español enantes del partíu, nuna pitada másiva delantre del propiu Xefe del Estáu. L’asuntu esmolez enforma a la propia Federación Española de Fútbol, consciente que que nel partíu nomáu “la gran fiesta del futbol español” nun va ser posible encontrar banderes españoles nel estadiu del Valencia.