Obama/McCain y el matrimoniu gai, tantu monta, monta tantu

Los dos aspirantes a la presidencia de los Estaos Xuníos, el conservador John McCain y el demócrata Barak Obama, participaron esti fin de selmana nun programa televisivu onde foron entrevistaos nuna macroilesia californiana pol Pastor Warren. Nes mesmes, los candidatos foron entrevistaos por separtáu ya intentaron afalagar a los votantes evanxelistes, un 26 % del eleutoráu estaoxunidense, dexando nidies les sos condiciones de cristianos prauticantes.

McCain, foi´l que tuvo les cose más fáciles y namás fizo por afitar la so imaxe de candidatu conservador. Asina, amosóse contrariu al albortu y faló de la so “relación con Xesús”. Tamién dixo que´l diañu esiste porque ehí taba Bin Landen y dexó nidia la so posición contraria a la aprobación de matrimoniu ente persones del mesmu sexu, porque “matrimoniu namás pue ser nomáu asina si ye la xunión ente un home y una muyer”.

Pero´l candidatu demócrata, Barak Obama, pesie a la so imaxe medíatica de lluchador polos drechos de les minoríes, dexo tamién nidiu que nun ta pol matrimoniu gai y coincidió con McCain na so definición de matrimoniu, anque, sicasí, faló d´uniones llegales qu´equiparen en drechos.