El PP espulsa a un conceyal en Cataluña por defender l’autodetermín

Poco depués de facese público que Preñanosa taba detrás d’esta moción, que se votará esta tarde nel plenu conceyil, el PP emitió un comunicáu nel qu’esplica que, de confirmase esti fechu, el partíu "no se sentiría en absoluto representado por el edil", yá que’l testu presentáu "no responde, evidentemente, a las tesis defendidas por el PP tanto en Cataluña como en el conjunto de España".

"Si da apoyo a la autodeterminación, la dirección del PPC procedería a abrir un expediente de expulsión a Alfredo Preñanosa y a reclamarle el acta de concejal en el Ayuntamiento de Cardedeu", añade la nota.

Nel comunicáu precisase qu’hasta esti momentu la direición del PPC "no ha podido contactar" col edil y esplicase que la vicesecretaria d’ámbitu municipal del PP de Barcelona, Susana Calvo, "se ha trasladado a Cardedeu para confirmar estos hechos".

El gobiernu llocal de Cardedeu ta formáu por CiU y ERC, lideráu pola alcaldesa Calamanda Vila (CiU), y el plenu del Ayuntamientu ta integráu por siete conceyales de CiU, cuatro del PSC, tres d’ERC, ún d’ICV-EUiA-EPM, ún del PP y otru de la CUP.