Asturies ye la comunidá más contaminada por emisiones de CO2 con 30.95 Tn. por habitante

L’estudiu fue presentau pol coordinador de la Secretaria Confederal de Mediu Ambiente del sindicatu, Fernando Rodrigo, y el direutor de la edición española de la revista ’World Watch’, José Santamarta. Esti estudiu fala de les comunidaes que más aumentaron los niveles de CO2 dende l’añu 1990.

Asturies ye’l llugar del Estau que más emisiones de CO2 emite por habitante con diferencia, con 30,95 Tn. Le sigue Aragón y Castiella y Lleón con 17,6 Tn. Pola contra, Madrid ye la que menos consumo tien por habitante con 4,66 Tn por habitante.

Cuanto menos ye contraproducente, que n’Asturies se produz en tornu a 21.000 MW al añu de potencia llétrica y se consumen alrodiu de 12.000 MW, y pola contra en Madrí se produz en tornu 1800 MW y se consumen 28.000 MW, pa curiosamente, presentarse los proyeutos onde se quieren asitiar les centrales xeneradoras d’enerxía y contaminantes n’Asturies, con 9 proyeutos propuestos de nueves centrales de gas, cuandu sistematicamente tan baltiandose tolos proyeutos de creación de plantes xeneradores d’enerxía en Madrid.

Rodrigo sorrayó que "Las comunidades autónomas que más emisiones generan por habitante son las que tienen centrales térmicas, especialmente de carbón, pero precisamente son estas comunidades en las que menos crecimiento se ha producido".

Con estos datos del estudiu hai motivos "pa sacar los colores" a los gobiernos autonómicos, ya que según pallabres del sindicalista nun se va cumplir el Protocolu de Kyoto pola parte del Estau Español.

Pa finar, l’estudiu afita que la enerxia nuclear nun ye una alternativa pa lluchar contra’l cambiu climaticu, apostando poles enerxies renovables como solución al calecimientu global.