Irlanda del Norte tendrá les competencies sobre xusticia pal mes d’abril

L’estancamientu sobro esta custión punxere nos tiempos caberos en peligru’l gobiernu de coalición ente’l DUP y el Sinn Féin, y axixare la intervención nes negociaciones de Gordon Brown y Brian Cowen, los primeros ministros británicu y irlandés, respeutivamente. Hasta que, la nueche del xueves, los 35 diputaos del DUP alcordaren sofitar el pautu, qu’inclúi una votación na Xunta d’Stormont, el 9 de marzu, y la tresferencia de les competencies el 12 d’abril.

Ente los compromisos ta l’inxerimientu de remociques na xestión de los desfiles oranxistes, cola abolición de la Paraes Commission, una de les cimeres demandes de los unionistes. Ye’l preciu que pagó’l Sinn Féin pa sacar a la fin el trespasu d’estes dos competencies claves: una cuestión que, en casu de non tenese resuelt, podría desembocar na xida de los republicanos del Gobiernu, un zapicazu nel procesu de paz y una probable crisis institucional.