Naz n’Asturies el movimientu "Atropar la cai"

Foru

• Naz n’Asturies el movimientu "Atropar la cai"

  07/02/10

  prestame la idea, pena que nun sepa diseñar pero pegar pegare unes cuantes

  Responder este mensaje

• Naz n’Asturies el movimientu "Atropar la cai"

  07/02/10

  A mín personalmente préstame muncho la pegadiella. Hai qu’acabar con esa rocea que parez qu’hai nel nacionalismu asturianu (obrerista) de vindicar la historia asturiana y los sos héroes dende la época la invasión romana hasta anguaño. Ye que tal paez que hai xente que quería que los asturianos va 12 sieglos montasen una república comunista o quién sabe qué... Lo que nun me gusta tanto ye qu’hai más organizaciones y siegles que persones trabayando...estayes y estayuques como dicía l’otru...
  PUXA ASTURIES LLIBRE

  Responder este mensaje

  • Naz n’Asturies el movimientu "Atropar la cai"

    07/02/10

    Con cuatro paisanos como Gonzalo Peláez o cualesquier otru patriota asturianu de la época medieval Asturies taría agora mesmo nel llugar que-y correspuende y non con toos estos que se dicen nacionalistes o patriotes asturianos y fálennos a los asturianos del sieglu XXI de la vanguardia del proletariao, de repúbliques socialistes y nun sé que rollos más.

  • Naz n’Asturies el movimientu "Atropar la cai"

    07/02/10

    Home, yo soi socialista y nun m’avergoño pa nada de Gonzalo Pelaez, de Pelayo , nin de los Ástures. Digo yo que si quiero Asturies ye cola so hestoria. Como dicen los d’atropar la cai el cuadonguismu robonos la nuesa hestoria y paez que a munchos-yos presta aplaudir coles oreyes. Amás, si hai daquién interesáu en que nun se conozan momentos importantes de la nuesa hestoria son el PSOE (la educación n’Asturies da pena, ye como que nun esistimos) y si tan interesaosen que nun se conoza ye precisamente pa fundir la posibilidá de qu’un nacionalismu asturianu pueda echalos del poder. La pegatina ye mui guapa. Felicidaes!!!

• Naz n’Asturies el movimientu "Atropar la cai"

  07/02/10

  A mi nun me gusta, paezme militarista y de conteníu ambiguu. Una cosa ye defender lo nueso y otra entamar con discursos xovinistes, agresivos col foriatu, que pueden acabar nel otru estremu. Cuidao con quien va tar detás d’esto y cuidao con andar dexando nomes y emails a xente que nun sabemos quien son.

  Responder este mensaje

  • Naz n’Asturies el movimientu "Atropar la cai"

    07/02/10

    Vaya tochura. ye’l colmu de la paranoia. Tu dices que ye ambiguu, yo digo que ye hestoria. Igual esta primer pegatina nun te paez de la meyor tematica pero tolo que tién que ver col movimientu (antifacismu, ecoloxismu, feminismu,autodetermín...) tien espaciu nes campañes. Pa tranquilizate decite que un de los entamadores ye militante de SOFITU, creo yo que fuera de toa dulda que ye antifacista.

• Naz n’Asturies el movimientu "Atropar la cai"

  07/02/10

  Val, val, pues yá quedo más tranqilu. Val mas pensar mal por si acasu. Porque yo dempues de ver coses como esos de Non conforme ya espero cualquier cosa.

  Responder este mensaje

  • Naz n’Asturies el movimientu "Atropar la cai"

    07/02/10

    Home, pero los de non conforme nunca dirien independencia, son nazis y amás munchos d’ellos son guardies civiles...dificilmente sacarien una pegatina tachando a un.

  • Naz n’Asturies el movimientu "Atropar la cai"

    07/02/10

    A mi paezme medio racista’l lema. Y lo del "picoletu" tacháu parez pro-etarra. Esa ye la imaxen que queréis dar?? Eso va crear más antipatía de la sociedá col movimientu nacionalista asturianu... (y a ver si nun m’esborrien esti mensaxe, como l’anterior, que nun insulto a naide, ¿o nun va poder facese crítica?)

  • Naz n’Asturies el movimientu "Atropar la cai"

    07/02/10

    Mientres la izquierda abertzale homenaxea a los sos antepasaos ( http://www.elmundo.es/2004/05/30/espana/1643563.html ) inclusive los reis. y la izquierda dixebriega catalana homenaxea a los sos patriotes ( http://ca.wikipedia.org/wiki/Fossar_de_les_Moreres ) sabiendo que nun yeren socialistes, equí paez que’l cuadonguismu lo exerce mas los propios nacionalistes que los faches. Si’l nuesu pueblu siempre foi guerreru y s’irguió ante tou dios ¿nun ye pa tar arguyosos?¿gachamos la cabeza por matar a xente de tolos exercitos que vinieron a ocupanos? Esi izquierdismu del que tanto se critica’l PSOE tienlo muncho revolucionariu, que siempre tan con miéu de que-y llamen chovinista por decise asturianu cuando nun ye delitu dalu. Asturies llibre y socialista nun ye solo un slogan , la pallabra pola qu’entama ye ASTURIES

  • Naz n’Asturies el movimientu "Atropar la cai"

    07/02/10

    Dende un puntu vista independentista’l plantegamientu ye impecable. Reivindícase la historia dexando de llau los prexuicios y percegueres de los que tienen mieu a mirar más p’atrás del 25 de Mayu de 1.808, o de los más acomplexaos tovía que tienen llerza a reivindicar más p’atrás de la Revolución d’Ochobre del 34. El so posicionamientu ye rompedor de toos esos prexuicios y toa una innovación sobre too nel discursu nacionalista d’izquierda. Ponen en primera llinia reivindicativa, ensin refugar aspeutos sociales, la cuestión identitaria que ye la que daveres-y esmolez al poder, como demuestren intentando tapecer cualquier conocimientu históricu o arqueolóxicu. Albidro que van dir por ellos, porque esi posicionamientu, claru y radical no identitario ye lo que más quieren frayar dende’l réximen. Suerte y p’alantre.

• Naz n’Asturies el movimientu "Atropar la cai"

  07/02/10

  Yá yera tiempu de vindicar la historia asturiana de verdá y a los sos héroes. El nacionalismu tien que mirar más pa la época medieval asturiana, pa la monarquía asturiana, que foi onde nació la Nación Asturiana, ún de los primeros Estaos europeos y nun ser tan machacones con 1934, que paez qu’Asturies nació del gritu de UHP y la izquierda española. Presta ver a los que se dicen nacionalistes o ensin dir más lloñe a la izquierda española poniéndonos de racistes, xenófobos y "nacionalistes" (y bien arguyosos de ser nacionalistes, yá que nun podemos ser asturianos nel nuesu País, ser nacionalista asturianu ye lo que toca anguaño)... ¿Por qué esi mieu a vindicar a los astures, a los reis asturianos, a los héroes medievales asturianos (ensin gota qu’envidiar al escocés William Wallace por exemplu)y a los patriotes de 1808? Tal paez que dalgunos preferiríen que lo único que viere fecho esti Pueblu fuera la Revolución de 1934. Y ye que’l discursu tan provincianu y retrógradu que tanto dañu fexo a esti País y que tan pesáu ye d’arrecostinar tantes décades, del internacionalismu proletariu y desdexar lo d’ún, paez que tamién tien pesu nuna parte importante del nacionalismu asturianu. O a ver si va ser verdá eso que yá sintiere a más d’ún que’l problema ye que los nacionalistes asturianos podemos ser cuntaos colos deos d’una mano y lo qu’hai ye munchu comunista que ve n’Asturies un marcu válidu pa la llucha de clases...Si ye eso, qu’espero que non, lo mesmo yos daba haber nacío nuna Nación milenaria como l’asturiana que nuna rexón española como Murcia, Extremadura, Andalucía...etc, con tol respetu pal Pueblu español.
  PUXA ASTURIES LLIBRE

  Responder este mensaje

  • Naz n’Asturies el movimientu "Atropar la cai"

    07/02/10

    Roblo pallabra por pallabra’l mensaxe del anterior. Si bien ye cierto qu’esta carga que comentaba yo creo que col pasu los años yá va cayendo.

  • Naz n’Asturies el movimientu "Atropar la cai"

    08/02/10, por Xermán

    Nun me presta un res esi trasfondu totalitarista ya militarista de la pegadiella.
    Pd: Nun hai que escaecer el pasau pero tampoco tenelu tol día na boca. N’asturies hai coses güei en día mas importantes que merecen ser sacaes en pegadielles.

  • Naz n’Asturies el movimientu "Atropar la cai"

    08/02/10, por lulo

    Yá yera tiempu de vindicar la historia asturiana de verdá y a los sos héroes. El nacionalismu tien que mirar más pa la época medieval asturiana, pa la monarquía asturiana, que foi onde nació la Nación Asturiana, ún de los primeros Estaos europeos y nun ser tan machacones con 1934, que paez qu’Asturies nació del gritu de UHP y la izquierda española....
    Esti mensaxe, de pe a pa, da nel clavu d`un asuntu que, polo menos yo, llevo pensando bien tiempu. Puntu por puntu y coma por coma. Enterin. Norabona pol bon xaciu del que lu robla. ( A la mio forma de ver claro.)

• Naz n’Asturies el movimientu "Atropar la cai"

  08/02/10

  ¿Esi tresfondu militarista?Si por vosotros fuere, a estes altures de la historia, ni esistía Asturies nin los asturianos, defendiendonos con ramos de flores o dando besinos al estilo hippi.

  Responder este mensaje

• Naz n’Asturies el movimientu "Atropar la cai"

  08/02/10

  Como dicen lo caberos mensaxes esta pegadiella ta fuera de tonu totalmente. Meyor mirabemos polo que teniemos que mirar y dexábemos de mirar col rabiyu del güeyu al pasau...

  Responder este mensaje

  • Naz n’Asturies el movimientu "Atropar la cai"

    08/02/10

    Albidro qu’esta xente acaba de dar un pasu mui importante dientro del nacionalismu asturianu. Ye dende un puntu vista teóricu toa una revisión a una manera d’entender el nacionalismu tapeciendo los temes d’identidá nacional nun papel secundariu. Acaben de poner enriba la mesa un tema pendiente d’iguar desque nació’l nacionalismu asturianu: que’l nacionalismu verdá en cualquier llugar del mundu tien los raigones fundíos na cuestión identitaria, que marca los finxos referenciales de la nación y onde dempués hai qu’inxerir les cuestiones sociales, ecolóxiques, llaborales, etc. Siempre se cuestionó si parte de los que se denominaben nacionalistes asturianos lo yeren de verdá o sólo-yos interesaba reivindicar el marcu asturianu pa llevar a cabu nél otres lluches por pura estratexa. Esti vieyu debate acaba de reabrise y van rescamplar munches trampes. Y van quedar ensin mázcara munchos "nacionalistes por interés meramente estratéxicu", curiosamente a les puertes del antroxu.

  • Naz n’Asturies el movimientu "Atropar la cai"

    08/02/10

    Alguien lleó de que va el tema esti d’atropar la cai? Son pegatines mes tres mes, osea qu’esti mes esta ye la tematica, el siguiente mes nel blogue se fala del tema de la muyer... Me parece que nun solo van mirar pal pasáu como se esbabaya perhi.

• Naz n’Asturies el movimientu "Atropar la cai"

  08/02/10

  Equí va la propuesta de pegatina pal mes de marzu.

  Ver en línea : http://atroparlacai.blogspot.com/20...
  Responder este mensaje