EL PRIMER DIPUTÁU ASTURIANU QUE S’AUTODENOMA "NACIONALISTA D’IZQUIERDES"
Roberto Colunga fai promesa d’acatar la Constitución Española y l’Estatutu na so toma de posesión
05/02/10
Nesta toma de posesión, Colunga emplegó la fórmula de "faigo promesa" -n’asturianu- en cuenta del xuramentu, p’acatar el cumplimientu de les sos obligaciones como parllamentariu, la Constitución Española y l’Estatutu d’Autonomía del Principáu d’Asturies.
El diputáu nuevu, que nun tuvo nenguna intervención más nel plenu, ocupaba’l puestu númberu siete de la llista d’IX-BA-LV nes eleiciones asturianes últimes, pero la entrada de dos de los sos cuatro diputaos nel Gobiernu asturianu que-yos llevó a arrenunciar al acta de parllamentariu y darréu l’arrenuncia de Valledor permitió la incorporación del representante del BA na cámara asturiana.
Hasta agora Colunga trabayaba nel grupu conceyil d’IX-BA-LV na Casa conceyu de Xixón como asesor de política llingüística y yá tien feches declaraciones nes qu’afita’l so compromisu "hasta les consecuencies últimes pa cola oficialidá".
Foru
-
Roberto Colunga fai promesa d’acatar la Constitución Española y l’Estatutu na so toma de posesión
05/02/10Nacionalista asturianu n’Izquierda Unida y qu’acata la Constitución Española. Menudu nacionalista ta fechu esti. Estos yá tienen bastante con dir de viaxe pel mundu coles perres de los asturianos.
-
Roberto Colunga fai promesa d’acatar la Constitución Española y l’Estatutu na so toma de posesión
05/02/10Hai qu’aselar y dexar que faga coses, enantes de tantu criticar. Prestariame a mi ver a est@s que tantu critiquen si fain daque pol país...
Eso si, dempués del pasu pola xunta xeneral, prestariame que’l BA apostara por una candidatura nacionalista propia ayena d’IU porque como van ver, van depender talamente de la FSA.
-
