EL GOBIERNU ASTURIANU NUN TA POR FINANCIAR LES ESCAVACIONES ARQUEOLÓXIQUES
Ayer y Ḷḷena planta cara a Patrimoniu por La Carisa
04/02/10
Los conceyos d’Ayer y L.lena quieren falar col gobiernu asturianu de la necesidá de siguir les escavaciones de La Carisa y pa ello quieren llevar a los arqueólogos que tuvieron trabayando estos años, ente los que s’alcuentra l’arqueólogu-xefe, Jorge Camino.
Agora, dambos conceyos exisirán al Gobiernu asturianu un conceyu pa qu’escuche a los arqueólogos y compruebe que bona parte de la historia d’Asturies alcuentrase entá embaxo les tierres de la Carisa.
Dende los conceyos va tratase que’l gobiernu asturianu financie les nueves escavaciones. Los conceyos d’Ayer y Ḷḷlena tán faciendo diferentes infraestructures p’aprovechar turistica y culturalmente’l llugar. Dende L.lena ta remocicandose la pista de Carraceo y dende l’Ayuntamientu d’Ayer, decidieron destinar una partida de 130.000 euros del «plan A» a la construición del centru d’interpretación de la Carisa en Nembra.
De nun financiar el Gobiernu asturianu dende los Ayuntamientos tán valorando la posibilidá de dar anicíu a les nueves escavaciones con financiación municipal.
Foru
-
Ayer y L.lena planta cara a Patrimoníu por La Carisa
04/02/10El mio apoyu pa la iniciativa d’estos dos ayuntamientos. Arriendes del claru valir arqueolóxicu ya históricu del yacimientu, una ayalga d’esti nivel bien xestionada ye una manera d’atrayer turismu cultural pa estos conceyos nuna zona que sufre les consecuencies del declive mineru y industrial asturianu.
