Fnast

Fotocopies Impresión

La Gueta

Cuinchi

El Partíu Asturianista y dellos militantes del partíu políticu Andecha Astur refuguen la posibilidá de qu’ente cincu y diez cerqueros gallegos pesquen nes agües interiores d’Asturies (les llendaes poles llínies imaxinaries que xunen los cabos del país), sumándose asina a la postura amosada estos díes por Rafael Rodríguez, presidente de los armadores de cercu asturianos, y Dimas García, de la Federación Asturiana de Cofradíes.

Los barcos del país vecín quieren pescar nes nueses agües interiores pa “garantizar la llegada a la rula de materia prima en cantidá abondo p’abastecer el mercáu”, pero los armadores de cercu asturianos (anguañu hai cuatru n’activu) refuguen tala posibilidá yá que los caladeros asturianos tan lloñe del so meyor momentu y afiten que’l desembarcu de más kilos de pescáu tendría comu consecuencia una baxada de los precios, yá de por sí ruinos.

Permitir esta primer entrada a los gallegos (que yá esquilmaron les sos propies agües) lo que va suponer ye esquilmar les agues asturianes, y non sólo impedir el desendolque de la flota asturiana (d’alcuerdu a la demanda que se reconoz qu’esiste) sinon esaniciar lo poco que queda, al tener que competir colos gallegos y les sos téuniques esquilmaores.

Poro, el PAS y los militantes d’AA esixen a la Direición Xeneral de Pesca del “Principáu”, la entidá con competencies p’apurrir les llicencies que necesiten los armadores gallegos, que nun-yos permita faenar equí, atendiendo a les razones espuestes polos pescadores asturianos, igual que se fizo en 2008, cuandu, de la mesma manera, denegaron les llicencies a los barcos foriatos porque la flota llariega que pescaba n’agües interiores yera suficiente p’abastecer el mercáu del país.

D’otra miente, los denunciantes van a pidir a los Ayuntamientos d’Avilés y Colunga (los barcos de cercu asturianos que furrulen anguañu abellúguense nos puertos d’Avilés y Llastres) que se posicionen sol tema y asina presionen a la Direición Xeneral de Pesca, organismu dende’l que se tien de tomar un determín nos prósimos díes, tres aconceyase coles partes afeutaes.

Comentar este artículo

Foru

  • El PAS y militantes d’AA refuguen que barcos gallegos pesquen nes agües interiores asturianes

    03/02/10

    "El Partíu Asturianista y dellos militantes del partíu políticu Andecha Astur" "el PAS y los militantes d’AA"
    Nun ye qu’Andecha sía del mio agradu en delles coses, pero ¿qué ye eso? ¡¡Depués quedréis face-yos una entrevista tamién!!
    Menudu nivel.

    Responder este mensaje

    • El PAS y militantes d’AA refuguen que barcos gallegos pesquen nes agües interiores asturianes

      03/02/10

      ¿qu’entamasti agora a lleer aruelu? ?o yes un troll intoxicador? Has de mirar les noticies cuando se presento AA nes europees y un xuez-yos torgo presentase. Ficieronlu y agora van pagalu col tiempu.
      Agora nun soi a topar l’enllaz pero anda perhi la noticia.

    • El PAS y militantes d’AA refuguen que barcos gallegos pesquen nes agües interiores asturianes

      03/02/10

      Ya tamos faltando colo del troll: Pues si el xuez-yos prohibío presentase como pudieron facelo?, o, por que nun-yos dio nulos los votos?. Toi col de la primer opinión depués nun m’estraña que les xuventúes d’AA se ñeguen a da-vos entrevistes.

    • El PAS y militantes d’AA refuguen que barcos gallegos pesquen nes agües interiores asturianes

      03/02/10, por sombra

      Perbono que dexen de lláu ideoloxíes y se centren pol bien d’Asturies. Asina se fai AA y PAS.

    • El PAS y militantes d’AA refuguen que barcos gallegos pesquen nes agües interiores asturianes

      03/02/10

      Ye complicáu d’esplicar pa quien nun quier escuchar. Polo demás, quitando que les sigles nun son propiedá d’una parte de la organización, paezme bien estos movimientos haza l’asturianismu de centru-derecha. Al final va paecer que nun quisieron xuntase a la UNA (qu’estos si son d’izquierdes) por rocees personales, ya que paez que pa la ideoloxia hai bones dosis de pragmatismu.
      Antes asturianu que socialista, ta bien mirar pol país nesta domina onde nos xugamos tanto.

  • [RE]Ye complicáu d’esplicar pa quien nun quier escuchar

    04/02/10

    "paezme bien estos movimientos haza l’asturianismu de CENTRU-DRECHA." Al final va paecer que nun quisieron xuntase a la UNA (QU’ESTOS SI SON D’IZQUIERDES) por rocees personales, ya que paez que pa la ideoloxia hai bones dosis de pragmatismu."
    Hai delles coses que me faen pensar que quies enmierdar:
    CENTRU-DRECHA 1.- : El PAS tien na so definición "de progresu" (ye progresista) que quier dicir según los sos documentos "gueta d’una mayor igualdá, xusticia social y riqueza pa tolos asturianos, en solidaridá colos demás pueblos del Estáu y del mundu".
    2.- El PAS tien como afiliación xente que podría tar na UNA o n’Andecha (o nel Bloque), xente que fundó’l CNA, el ENA y la UNA, xente que tuvo nel PSPA (y nel PSOE). El PAS ye capaz de dir en 1989 n’"Izquierda de los Pueblos" xunto EE, CHA, etc; y en 2004 en Coalición Europea. Infórmate manín enantes de falar.
    UNA (QU’ESTOS SI SON D’IZQUIERDES) 3.-"UNA (QU’ESTOS SI SON D’IZQUIERDES) por rocees personales, ya que paez que pa la ideoloxia hai bones dosis de pragmatismu." Si la fras d’enantes ye de mentirosu, esta ye de troll o d’envidiosu por nun roblar coses en comuña. Anque nel 2002 bien qu’ún podía tar col PAS nel Día de la Nación .

    Responder este mensaje

    • El PAS y militantes d’AA refuguen que barcos gallegos pesquen nes agües interiores asturianes

      04/02/10

      El PAS de "centru-derecha" siendo xenerosos, quien tien de miralu pameque yes ´tu, pasate pol blogue de Xuan Xose y verás que les mios afirmaciones son masque "xeneroses", ¿que’l PAS agora quier viender que ye d’izquierdes p’atropar votos o facer que nun seya tán ablucante la xuntanza con AA? Pues meyor pa toos.
      ¿2002?. No home non falabemos del 2007, cuando lo d’Unidá, nun fai falta dir tán lloñe.
      Nun quiero enmierdar, ye una opinión personal, si tás por facer d’esa xuntanza la to xera, yes bienveníu, pero "lo que ye cara nun ye cruz por munches vueltes que-y des".

  • El PAS y militantes d’AA refuguen que barcos gallegos pesquen nes agües interiores asturianes

    04/02/10

    El casu ye que PAS y ANDECHA tan faciendo coses, y esto ye INAUDITU nel nacionalismu asturianu.
    Agora bien ... de la que se sienten a roblar estes cosuques ¿¿falen de daqué más?? ¿opinen sobre la situación actual? ¿tomen unes botellines xuntos? ¿pasénse chistes per email? ¿llámense pa comentar les reacciones?...
    ESES son les preguntes qu’esmolecen n’esti momentu. ¿quienes falen? ¿con que actitudes? ¿con que oxetivos finales?..
    La discreción, o meyor dicho: el secretismu seguru que ye positivu y necesariu ... pero puede facer perder los nervios a propios y estraños.
    Lo que ta medianamente claru, ye que n’esto nos xugamos MUNCHO.

    Responder este mensaje

    • El PAS y militantes d’AA refuguen que barcos gallegos pesquen nes agües interiores asturianes

      05/02/10

      Los nacionalistes de verdá, cuando un país ta esboroñándose dafechu, igüen lo que se llama un "gobiernu de concentración". Dexen de llau diferencies ideolóxiques y concéntrense en salvar el país. Aplicái esto a la urxente necesidá de xuntanza ente toles fuerces nacionalistes y asturianistes. Tamos nun momentu asemeyáu a nivel de supervivencia de la nación asturiana.

  • El PAS y militantes d’AA refuguen que barcos gallegos pesquen nes agües interiores asturianes

    05/02/10

    UUUUUUUuuuuuuu.... ¡¡¡avérase la pantasma UPyD!!!.
    siguir xugando.....¡ya veréis!

    Responder este mensaje