Refugada la moción d’UNA de Carreño pa reabrir la reforma estatutaria
03/02/10
El plenu de la Casa conceyu de Carreño vien de refugar una moción d’UNA na que pidia a la Xunta Xeneral un Estatutu qu’asegure la oficialidá del asturianu, una carta de derechos y una financiación afayadiza. Los votos en contra del PSOE y PP y l’abstención d’URAS-PAS permitieron que nun saliere alantre.
La moción llevóse a votación nel plenu, nel que tuvo’l sofitu, amás de la propia UNA, de los conceyales d’Unión Independiente de Carreño (UICA) y Izquierda Unida. Sicasí, la propuesta nun contó con mayoría al votar en contra de la mesma PSOE y PP y abstenese’l conceyal de PAS-URAS.
Xuan Rodríguez, conceyal d’UNA en Carreño sorrayó l’actitú del conceyal d’URAS-PAS afitando que "siempre actúa con indiferencia o mesmamente belixerancia énte cualquier iniciativa que pida la oficialidá del asturianu o la normalización de la llingua asturiana nel conceyu".
Xuan Rodríguez quiso recordar que «la propuesta d’UNA nun ye un caprichu, nin una defensa a lo xole d’un modelu xurídicu políticu que nun ye’l que más nos gusta, sinon que se plantega porque na situación actual colos problemes de financiación nos conceyos, de blindaxe d’inversiones d’otros territorios, y del peligru que cuerre’l nuesu patrimoniu cultural y especialmente la llingua, Asturies nun pue dexar pa prau la posibilidá d’iguar esos problemes a traviés d’una reforma estatutaria».
UNA agradeció a UICA y IU el so sofitu, anque IU-BA-Los Verdes nel gobiernu asturianu dexa en segundu planu la puesta en marcha de la reforma estatutaria, asuntu polémicu que tien d’afitase seguramente dempúes de les próximes elecciones nacionales y de conceyos nel 2011.
Foru
-
Refugada la moción d’UNA de Carreño pa reabrir la reforma estatutaria
04/02/10Esto ye de los problemes que veo yo al tema de la xuntanza. PAS-URAS ta enllenu de xente asina que nun-y importa nada la cultura del país. Politicuchos...
-
Refugada la moción d’UNA de Carreño pa reabrir la reforma estatutaria
05/02/10Una apertura de la reforma estatutaria nesti momentu sedría suicida pa los intereses asturianos. La correlación de fuerces ye nefasta. Sedría alitar el borrador impresentable que roblaren les fuerces mayoritaries hai meses. Un desastre. La UNA debiere camudar nel intre esa estratexa. Ye suicida.
-
Refugada la moción d’UNA de Carreño pa reabrir la reforma estatutaria
05/02/10La UNA pa mi idea ta faciendo una estratexa equivocada, creo que con esi enfotu lo unicu que quier garrar ye ciertu protagonismu, porque ye un erru l’abrir la reforma estatutaria agora, al nun ser que la so pauesta pase por siguir ensin represnetación electoral pal 2011. Polo demás, d’alcuerdu en casi too cola UNA, menos nesti asuntu que creo que son los unicos nel asturianismu políticu que lu defienden, porque IU lo fai cola boca pequeña, sofiten en Carreño pa refugar n’Asturies que ye onde se tien que votar.
-
Refugada la moción d’UNA de Carreño pa reabrir la reforma estatutaria
05/02/10Pues en Nava tampocu veo que fagan muncho por abrir la reforma estatutaria.
-
-
Refugada la moción d’UNA de Carreño pa reabrir la reforma estatutaria
05/02/10, por Pues ta bienEn Nava votaráse un día d’estos. UNA lo que quier ye llamar l’atenciómn sobre la necesidá d’una reforma qu’incluya esos tres o cuatro puntos. Nun quier abrir la reforma sinon que se pueda facer too eso a través d’una reforma, pa que la xente nun s’escaeza que nun tenemos oficialidá, blidaxe d’inversiones, etc.
Ya se sabe que nun se va abrir la reforma, pero ye bono que nun s’escaeza eso. -
Refugada la moción d’UNA de Carreño pa reabrir la reforma estatutaria
05/02/10, por ÚnUNA debería desplicar porqué tá plantegando esto agora. ¿ A qué vien?. Toos/as sabemos que si entamaran yá cola la reforma, el resultáu sedría catastróficu dada l’actual correlación de fuerces na Xunta. N’esti momentu solamente sofita la oficialidá de la llingua el grpu parlamentariu de IX-Bloque por Asturies-Los Verdes. Y quiero recordar, qu’una de les condiciones que éstos y punsieron al PSOE pa "pautar", foi paralizar la reforma del estatutu que ya habíen amagostáo el PP y PSOE, ónde ente otres coses, nun se reconocía la Oficialidá. El debate sobre la reforma nun debiera abrise fasta que na Xunta los partidarios de la Oficialidá seyan mayoría, o les polítiques de pautos pa conformar mayoríes faigan desplazase en so momentu hacia postures favoratibles al PSOE, o al PP.
