Fotocopies Impresión

La Gueta

Cuinchi

Xuan Xosé Sánchez Vicente

Dende’l puntu de vista de la "realidá de los partíos políticos" l’Estatutu nun ye más qu’un termómetru de coyuntura. L’atención que-y dean vien en función de la utilidá que pa otres realidades esternes a Asturies-yos pueda prestar como instrumentu d’afalamientu y ximielgamientu de les respectives parroquies de fieles (y de la rodiada les mesmes, pa ser esactos).

Dende’l puntu de vista de la xeneralidá de los ciudadanos asturianos (conscientes d’ello o non) l’Estatutu val por otres "realidaes instrumentales":

* La de la dignidá y la igualdá política nel conxuntu d’España (apreciada o non).

* La de la "capacidá" (cosoberanía) pa facer coses na propia realidá y pa empobinala nún o n’otru sentíu, aprovechada o non.

* Y, en términos identitarios y sociales, p’acabar de normalizar la cuestión llingüística y otres, aquélla mediante la cooficialidá. (Cabe, como se sabe, empeorar les coses: tala ye la redacción que tienen pactada nestos momentos PSOE (y, por implicación, IU) y PP).

La pregunta que nos podemos facer agora ye esta: Na prósima revisión estatutaria (verosímilmente, la prósima llexislatura, masque sea a finales y de mala gana) va haber modificación estatutaria, nesi casu ¿habrá ellí una fuerza (y fuerza, fuerza, non un solu diputáu o dos) que defenda de verdá los intereses asturianos o nun habrá dala? Seguiremos los asturianos sometíos al engañu d’IU y al estrapallamientu, embabiecamientu y enquillotramientu de PSOE, PP y IU?

Si vustedes faen cruzase apuestes, la posibilidá d’esta última opción seguro que se paga mui alta, y la d’una fuerza que defenda de verdá los intereses asturianos, perbaxa. Nun digo a cómo porque me salen los collores a la cara (póngome como una mazana "del llau que-y da’l sol", que diz el canciu).

¿Va ser asina, según dicen les apuestes o non? Yo pola mio parte, y lo que yo represento, vamos facer tolo que tea na nuestra mano pa que fracasen les predicciones (racionales). ¿Vamos ser pa ello?

A los asturianos, en xeneral, digo, y a dalgunos en particular.

El blog de Xuan Xosé.

Comentar este artículo

Foru

  • Más sobro l’Estatutu

    02/02/10

    ¿mensaxe subliminal?

    Responder este mensaje

  • Más sobro l’Estatutu

    02/02/10, por nenin

    Si l’apuesta ye la suma d’UAS más les ociones nacionalistes d’izquierda y Los Verdes, nun alcuerdu estratexicu, respetando los determinos de cada organización baxo unos puntos MINIMOS, elli taremos.

    Responder este mensaje

    • Más sobro l’Estatutu

      02/02/10

      Añado al comentariu anterior de "nenín" que si ye d’esa manera ellí vamos tar muncha xente. Y vamos ver munches cares enfotaes de desencantaos que perdiéremos de vista cuantayá y otres munches de xente nuevo que da’l pasu alantre. Y entramos na Xunta. ¡Vaya que si entramos!. Votando... y puñando si fai falta.

  • Más sobro l’Estatutu

    02/02/10, por Xose I

    Pues sintiendolo muncho nun creo que sía d’esta...Fai falta la criación d’un entramáu social, economicu y politicu totalmente a marxe del que mos afuega. Esto ye la base de cualquier movimientu nacional. Ye tener llocales per tola xeografía que dean financiación y dea una autentica soberanía economica a los partíos, xente en tolos conceyos dimpuesta a trabayar pol país y un partíu presente en tol país involucráu dafechu na defensa de les clases populares, de la so cultura y de los sos drechos. Tamién fai falta muncha pedagoxía, munchisima. La xente sabe que ye asturiano pero nun sabe mas nada. El repetir a los nuesos paisanos llemes como "españa solo quier robanos enerxía" machaconamente, dando datos suyos si ye precisu, siendo constante nun va sinificar otra cosa que’l medrar en votos y lo que ye mas importante, el medrar en militancia. Yo nun creo muncho nos trasgos, nin en que los votos vienen asina de sopitu, creo nel trabayu y na constancia, como ficieron los mios antepasaos. Salú y llucha

    Responder este mensaje

    • Más sobro l’Estatutu

      02/02/10

      A lo que díbamos. Les posibilidaes d’entrar na Xunta con un movimientu ampliu como’l que plantega la xente de Pola Xuntanza ye posible. Hai qu’insistir nello. La reforma l’Estatutu ta a la vuelta la esquina y pinta feo cola correlación de fuerces actual. A ver si col granín d’arena qu’apurra cada ún ye posible. (Basándonos nos datos de les últimes autonómiques, los númberos salen).

  • Más sobro l’Estatutu

    02/02/10, por Xose I

    Faltate un datu. Tolos partíos d’ambitu nacionalista van perdiendo votos. Hai que lo mirar too.

    Responder este mensaje

    • Más sobro l’Estatutu

      02/02/10

      Bono, esa cuestión camiento que quedaría compensada col efeutu llamada que llevantaríen les espeutatives d’una xuntanza amplia. Ye mui probable qu’esa tendencia s’invirtiere.

    • Más sobro l’Estatutu

      03/02/10

      Home, ye posible pero veolo dificil. Tristemente pa ser conocíu y polo tanto votáu solo hai dos caminos: 1-Trabayu ya imsistemcia, averandose a la xente. 2-Que los mass-media te tengan bien visto (vease UPyD o IDEAS a los cuales se-yos da una cobertura inxustificada pa la so presencia n’Asturies) y te dean publicidá y nun te criminalicen. Estos, La Nueva Engaña, La Coz y El Bebercio, viven prauticamente de la publicidá institucional y les sovenciones. La FSA sabe que’l so mayor enemigu ye’l nacionalismu asturianu, non el PP o IU, y nos sos medios siempre sedremos trataos como etarras, asesinos y comedores de naciellos. Si hubiese perres pa crear los nuesos medios...otru gallu cantaría n’Asturies.

  • Más sobro l’Estatutu

    03/02/10

    Nel comentariu que faes sobre los mass-media y sobre’l "ciñu" de la FSA hacia los nacionalistes camiento que tienes muncha razón. No del trabayu de base, d’esparder pelos conceyos les nueses idegues tamién la tenéis. Esa xera ye la que tán trantando de llevar alantre con munchu esfuerzu y pilancos que salvar les distintes organizaciones polítiques asturianes. Convién amestar qu’esi trabayu, básicu y pernecesariu, nun se contrapón gota col proyeutu de tratar de concurrir en xuntanza a les prósimes autonómiques nos términos en que se ta plangegando. Son dambes xeres perfeutamente compatibles y ayúdense. Incluso si se llograra esa presencia institucional, ayudaría a la visibilidá social de toles fuerces concurrentes y echaría una gabita al afitamientu de les mesmes per tol territoriu nacional asturianu. Y una refelxón final: gracies por debatir argumentando y dende’l respetu. Como desgraciadamente podemos comprobar dayuri, esto nun ye la tónica xeneral, desgraciadamente.

    Responder este mensaje

    • Más sobro l’Estatutu

      04/02/10, por Xose I

      Bono, nun tengo razón denguna pa faltar. En verdá yo casique me conformaría ccn que los nacionalistes nun se diesen de palos ente ellos y diesen toos palos a los mesmos. Sedría, quicias, el mayor reblagu la hestoria d’Asturies. No tocante a los mios argumentos yo veolos mas que necesarios y doite les gracies por sofitalos. Evidentemente nun son incompatibles cola xuntanza pero, siento ser tan pesimista, nunca creí nes xuntances, creo mas bien en crear coses nueves, hasta qu’una furrule. Quicias esi foi l’erru del nacionalismu asturinu, intentamos dir siempre de cabeza a la muria, nunca nos dió por saltala a ver que pasaba y fracasu tres fracasu de los partíos nacionalistes dividianse y facien lo mesmu. Nun se, ye la mio opinión