Espina (IU) propón una incineradora de "menor tamañu".

IU nun tien salida, o sofita la incineradora o tien complicáu caltenese nel Gobiernu asturianu. Asina planteguen les coses dende la FSA, consciente de la dependencia d’IU al Gobiernu asturianu y a los sos puestos de gobiernu. Pero’l PSOE tamién ta a favor o en contra de la incineradora según gobierne o te na oposición.

Pal secretariu del PSOE de Castellon, Francexc Colomer xustificó la refuga a la quema de residuos na "gran cantidá de problemes medioambientales" qu’asegura que xeneren esti tipu d’instalaciones. "Les incineradores emanen dioxines y partículas contaminantes a l’atmósfera, según estudios científicos sobre la materia, nos llugares prósimos a elles, que pueden afectar a la salú de los vecinos", seyan incineradores de gran tamañu o más pequeñes, toes. El PSOE ta na oposición na "Comunidá Valenciana".

L’alcuerdu de gobiernu PSOE-IU fai agües

Jorge Espina, posible candidatu d’IU pa les elecciones del conceyu de Xixón, avaláu por Jesús Montes Estrada, vien de sorrayar qu’anque la propuesta d’IU ye "non a la incineradora" , IU nun se va "a negar en banda por una cuestión de nun se sabe qué" a la instalación d’un fornu incinerador, si ye estrictamente necesariu.

Amás sorraya que d’instalase una incineradora "la mayoria de la mierda" polos vientos predominantes diría pa Corvera y Llanera, asuntu que tendrien de miralu los sos vecinos.