Concentración de sofitu a Pepe El Ferreiro en Grandas de Salime
30/01/10
El patrimoniu cultural asturianu vuelve a ser noticia. José Mª Naveiras Escanlar, más conocíu como Pepe El Ferreiro, yera cesáu del so cargu de direutor del Museu Etnográficu de Grandas de Salime, el pasáu martes 26 de xineru de 2010 pola conseyería de Cultura a falta d’un añu y mediu pala so xubilación. Esti domingu va facese una concentración de sofitu en Grandas a les 11:30 hores, na Plaza de la Constitución.
Una decisión tomada dende Cultura fino cola experiencia y el trabayu d’una persona con más de 26 años de profesión y que fizo del Museu Etnográficu de Grandas de Salime un focu d’atracción pa turistes y estudiosos, llegando a algamar 20.000 visites nel añu 2009.
Son munches les persones que sofiten a Pepe, algamando’l grupu de sofitu a Pepe El Ferreiro nel Facebook los 4.400 amigos en pocos dies, amás de los cientos de persones que lu sofitaron delantre la Conseyería de Cultura esta selmana n’Uviéu.
Plataforma de sofitu a Pepe El Ferreiro.
Un grupu d’asociaciones culturales d’Asturies vienen de crear una Plataforma de sofitu, cola finalidá de sollicitar la readmisión de Pepe nel so cargu y evitar un desprestixu de la so intachable llabor humana.
Son en total 10 asociaciones y entidaes de la comarca y concoquen una Asamblea d’Asociaciones, Entidaes culturales y Museos pal próximu Domingu en Grandas del Salime, cola finalida de poner en comuña criterios de sofitu. La Plataforma quier agrupar a la sociedá civil alrodiu de la problematica pola destitución de Pepe y pol futuru del Museu.
Más información:
