La llucha de FAI! escontra la ordenanza represora d’Uviéu, espeyada na revista "El Jueves"

El dibuxante andaluz Carlos Azagra, na so seición "Lo que nunca sale en la tele...", onde se da voz a coleutivos y lluches que difícilmente aprucen nos "medios oficiales", escoyó espublizar nel númberu 1.702 de la revista de calter estatal "El Jueves" una viñeta que representaba la llucha escontra la ordenanza de "convivencia ciudadana" que munchos coleutivos n’Asturies venimos denunciando y refugando.

"Si bien l’autor, al que-y agradecemos l’amuesa espontánea de solidariedá, dibuxó una pancarta firmada namás por Fai!, dende la organización d’esquierda soberanista asturiana nun podemos escaecer la bayura de coleutivos sociales, políticos, vecinales, de trabayadores migrantes n’Asturies que tan y siguen puxando pola non aprobación d’esta ordenanza represiva que, como dicíemos hai unes selmanes, condergaba a Uviéu a ser una ciudá murnia y onde la fuercia de les porres y les multes a minoríes, a la xente con concencia, a les más desfavorecíes/os,... fadríen imposible la convivencia, ensin garantíes per nenyuri pa les llibertaes individuales y coleutives básiques."