UNA critica’l despidu de Pepe’l Ferreiru

Unidá Nacionalista Asturiana quier dar muesa del total desalcuerdo cola destitución del Direutor del Museu Etnográficu de Grandas de Salime ya cola forma na que se fixo.

La destitución de Pepe’l Ferreiru ía un ataque frontal a la cultura ya a la sociedad asturiana ya una muesa de las políticas autoritarias ya vengativas del actual gobierno d’Asturias. Al marxen de los motivos que la Conseyería de Cultura expon cumu causas pa’l despidu, que buscan una esplicación que nun se corresponde cola realidá social, económica ya cultural del Museu, la forma cumu se fixo, muesa una total falta de respetu por quien l.levantou una institución que güei en día ía un iconu de la cultura asturiana. Miguel Anxel Díez, qu’asistió xunto con varios militantes d’UNA a la concentración de protesta enfrente la Conseyería de Cultura, manifiesta que “ ía lamentable que la Conseyería de Cultura tea en manos de personas capaces de tomar estas decisiones actuando por vendettas políticas en ve de guiase polos intereses de los asturianos” y añadiu que “ía necesaria una fuercia política nel parlamentu asturianu que defienda ensin complexos la cultura ya los intereses d’Asturias pa evitar casos cumu esti”.

UNA esixe a la Conseyera de Cultura, Mercedes Álvarez, que tome decisiones acordes colos ciudadanos ya la cultura asturiana ya una disculpa publica po’l lamentable despidu de Pepe’l Ferreiru.

- Cultura quier cesar a los que nun combayen colos sos determinos