BA refuga la colocación d’un avión de combate en La Felguera
27/01/10
El Bloque por Asturies (BA) manifesto’l so más enérxicu refugu a la colocación d’un avión de combate Mirage F1 nuna de les glorietes de La Felguera.
Los sos responsables sorrayen que "nun entienden qu’un Conceyu como’l de Llangréu, onde la xente nunca dudó en posicionase contra aventures belicistes, vaya agora a colocase un avión militar nun espaciu públicu del conceyu, estableciendo a bon seguru un elementu de discordia, de forma absolutamente de baldre nel conceyu".
La colocación del avión de combate supón una traición a tolos llagreanos comprometios col exerciciu a la non violencia y a los ciudadanos que quieren educar a los sos fios nos valores de paz.
El BA sofita qu’en llugar de poner un ellementu belicista, pongase patrimoniu industrial de la mineria o de la sidero-metalúrxia.
