Militante independentista detenida por intentar facer una entruga nun actu públicu d´UPyD
22/01/10
Una militante d’Andecha Astur foi detenida el pasau xueves por querer facé-y una entruga a Rosa Díez nun actu públicu nel Club de Prensa de La Nueva España.
La muyer asisitió como públicu y al llevantar el brazu pa facer una entruga a Rosa Diez, llideresa del partíu ’Unión, Progreso y Democracia’, nel turnu d’entrugues. Nesi intre, ensin siquiera entrugar, dos axentes de seguridá vestios de paisanu, sacáronla pola fuercia de la sala de conferencies ensin que los periodistes presentes recoyeren el sucesu nes sos cróniques.
Según la versión policial, la militante independentista negóse a ser identificada dempués de que la sacaren de sópitu y pola fuercia del ’Club de Prensa Asturiana’, dalgo falso dafechu según la represaliada, que foi treslladada a comisaría onde pasó más de dos hores retenía ensin más motivu que’l de querer facé-y una entruga a mediática Rosa Díez, que, por ciertu, pese a ser una autodeclarada ’demócrata’ nin siquiera entrugó por que dos individuos ’anónimos’ sacaben pola fuercia a una persona de la sala, ensin dengún motivu.
Depués de tar en dependencies xudiciales, la ciudadana asturiana foi puesta en llibertá ,ensin cargu nengún, y foi a un centru mélicu pa que-y ficieren un parte de mancadures y poner una denuncia en Xulgáu dada la gravedá de los fechos.
Los medios de comunicación elli presentes nun se ficieron eco del fechu.
