Fnast

Fotocopies Impresión

La Gueta

Cuinchi

L’Auditoríu- Palaciu de Congresos d’Uviéu va ser l’escenaríu onde la federación de partios Unidá Nacionalista Asturiana (UNA) va celebrar el so II Congresu, que tien como lema "Construyendo l’alternativa asturiana".

Dende güei, entama’l procesu que va desendolcar nel Congresu mentáu. Dende la UNA sorrayen que "La ponencia tien 3 partes, per un llau faise un análisis de la realidá asturiana, na segunda parte, plantease de forma xenérica l’alternativa d’UNA a la situación, y na tercer parte propónse una estratexa y llinia política, incluyendo la estratexa electoral pa les eleiciones de 2011 que tien de ser de suma y con nueves propuestes y plantegamientos que valgan pa ilusionar al conxuntu del asturianismu social y a la izquierda pensada dende Asturies".

Amás de la llínia política, nesti II Congresu UNA aprobará la so ponencia d’estatutos y anovará la so Xunta Executiva Nacional y la Xunta Xeneral, órganu máximu decisoriu ente Congresos.

Comentar este artículo

Foru

  • UNA celebra’l so II Congresu en marzu

    20/01/10, por Petición respetuosa a los militantes d’UNA que tán pola xuntanza.

    Como sé qu’hai militantes d’UNA favoratibles al procesu de xuntanza que tanto se ta debatiendo nos foros, pediría-yos, con tol respetu que debemos tener los que nun militamos nenyures, que plantegaren abiertamente nel congresu cuála ye la posición de los asistentes, tanto militantes como executiva, sobre esti tema. Ye una ocasión mui afayadiza pa que los que tamos por esa xuntanza nos enteremos de lo que opina, polo menos, una de les organizaciones implicaes, porque hasta agora, nenguna nun movió ficha hasta’l momentu.

    Responder este mensaje

  • Yo tamien sofito la "Petición respetuosa a los militantes d’UNA que tán pola xuntanza."

    20/01/10, por Xurde

    Totalmente d’alcuerdu col comentariu anterior. Esti movimientu nos foros alrodiu la Xuntanza tien que servir pa dalgo.
    Pola Xuntanza del Nacionalismu Asturianu.

    Responder este mensaje

  • UNA celebra’l so II Congresu en marzu

    20/01/10

    UNA tien la llave nesti Congresu. Les sos bases teníen que demandar un posicionamientu sobre la Xuntanza. Les bases teníen que poner diez o dolce puntos enriba la mesa pa entamar un procesu negociador. L´Andecha d´UNA tenía que sacar la tiesta y adoptar xeitos reconciliadores. Dicho esto por min repetando dafechu la soberanía de les organizaciones.

    Responder este mensaje

    • UNA celebra’l so II Congresu en marzu

      20/01/10, por rapiega

      Ye un momentu afayaizu pa que del Congresu d’UNA salga daque importante pal futuru del nacionalismu asturianu, y pue ser la UNA, por coincidencia del so congresu quien va entamar una nueva dómina nel nacionalismu asturianu. Mirar per Asturies, más que poles sigles, ta bien ya d’estratexies esteriles.
      UNA ye la clave pa entamar el procesu de xuntanza. Si UNA mueve ficha, va obligar a los demás a facelu tamién.
      Personalmente, creo que quien ta más comodo con como ta la situación aparte del PSOE-IU y’l PP y la UPyD, ye la UAS, si UNA mueve ficha, la UAS tien de movese, pero tamién la parte d’AA que nun ta na UNA y posiblemente’l BA, anque estos tán más enfotaos agora col diputáu, que tamién hai de tener en cuenta, los guiños que puea facer o con IU o cola Xuntanza del nacionalismu asturianu. Tar sollertes a esti Congresu.