La "crisis social" ya existe nes cuenques mineres y n’Asturies

Ye complicáu dar datos de l’aportación de la FSA-PSOE a la crisis de la minería y la so xestión alrodíu d’ello, ainda estos datos son significatibles. Nun de los últimos estudios espublizaos pol CES baxu’l titulu "Las prejubilaciones en la industria asturiana (1992-2003)", danse cifres nel primer semestre de 2002 onde n’Asturies hebio 22.200 prexubilaos, de los que más de 11.000 venien de la minería.

Pero a fines del 2008, el númberu de prexubilaos de la minería yera de 25.000 persones dende fines de los noventa.

En tolos años,el gobiernu socialista, xunto a los sindicatos mineros llevaron alantre’l Plan del Carbón 98/05, onde financiaronse n’Asturies 410 proyeutos empresariales, creyando 4.940 puestos de trabayu fixos. Nel nuevu Plan 2006/12 hai subvencionaos 70 nuevos proyeutos empresariales, xenerando 800 puestos de trabayu.

Munchos d’estos proyeutos empresariales tienen agora dificultaes pa siguir alantre, presentando decenes d’ERES en toles cuenques mineres.

Les cifres vienen a dicir, que’l PSOE (y’l so socíu de gobiernu IU) tan faciendo una xestión que ta xenerando una perdá, non de la riqueza que xenerase de les altes prexubilaciones, polo menos durante unos años, pero si de los seutores productivos nes cuenques mineres que nun son a torgar el procesu de perdá d’emplegos, lo que provoca nes cuenques mineres que la población amenorgue y los indices de paru seyan peraltos, sobromena nes muyeres y na so mocedá, condergando a les cuenques mineres al so escaezu xeneral. Munches d’estes prexubilaciones afitanse nel clientelismu políticu y les más de les vegaes sirven pa "perpetuar" a les mismes persones nel poder, un circulu que perxudica enforma a les cuenques mineres.